لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
24.11.2019 د ښاغلي پير محمد کاروان شعرونه 24.11.2019 د ښاغلي رحمن الله ریحان شعرونه 24.11.2019 د ښاغلي نصرت وفا شعرونه 05.10.2019 د ښاغلي نسیم شاه عادل شعرونه 17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه
 
د ژورنالېزم ترمېنالوژي
لیکوال: عبدالمعېد هاشمي   نېټه: 11.07.2009   خپرونکئ:   بصیر  

څلورمه برخه
ژباړه او راټولونه : عبدالمعېد هاشمي - نړۍ اونيزه
٤٠-انځور ايډيټر (Art editor): آرټ ايډيټر د انځورونو د برخې مدير ته وېل کېږي چې ټاکلو ځايونو ته انځورونه غوره کوي.
٤١-د انځور سرخي (Caption): په ورځپاڼه کې تر چاپېدونکي انځور لاندې چې کومه پېژندنه ليکل کېږي کپشن ورته وايي لکه داسې:
٤٢-اډانه(Box) : کله چې د ورځپاڼې اداره وغواړي چې يوه خبر،فيچر،کالم او يا ليکنې ته د لوستونکيو پام را واړوي نو ترې يوه اډانه(چوکاټ) راڅرخوي چې Box يې بولي.
٤٣-فورم (Forme): د چاپ ماشين چې په يوه پلېټ په يوه ځل څومره پاڼې چاپ کړي فورم ورته وايي.
٤٤-تش کالم (Fudge Columm): په ورځپاڼه کې هغه  خالي ځاى ته وايي چې د کوم مهم خبر لپاره تر چاپ وړاندې ځانګړى شوى وي.
٤٥-باکس سټوري (Box  story): هغه خبر ته وېل کېږي چې ګېر چاپېره يې ترې حاشيه راتاوه کړې وي يانې د ليکنې له ٤٢مې شمېرې سره په دې توپېر چې هغه دننه هم رنګه وي،
٤٦- سرچپه  (Reverse) : هغه خبر چې ځمکه يې توره او ليکل يې سپين وي معکوس يا سرچپه بلل کيږي. د بېلګې په توګه:
٤٧- مدير / اېډېټر  (Editor) : د اخبار اداري مشر ته اېډېټر ويل کيږي چې په اخبار کې د سرمقالې ليکلو د دندې تر څنګ نورې چارې هم مخته وړي، البته د خبر سموونکي ته هم اېډېټر وايي.
٤٨-د سيمه ايز دفتر مشر (Resident Editor) : هغه اخبار چې د يوه پرځاى له څو ښارونو څخه خپريږي، د سيمه ايز دفتر مشر ته يې رېزېډنټ اېډېټر وايي. له بده مرغه چې مونږ په هېواد کې دغه ډول اخبار نه لرو.
٤٩- سرمقاله  (Editorial)   : په مهمو کورنيو او بهرنيو موضوعاتو د اخبار اېډېټر په اداري مخ کې د اخبار پاليسۍ ته په کتلو د مضمون په بڼه په هره ګڼه کې ليکل کوي چې د اخبار رسمي نظر څرګندوي، د ژورنالېزم په اصطلاح ورته سرليکنه ، سرمقاله، سخن نخست، اداريه او اېډېټوريل وايي.
٥٠- د سرمقالې نوټ (Editorial Notes) : کله چې د يوه اخبار ايډيټر د سرمقالې لپاره دوه موضوع ګانې ولري، لومړۍ ته يې اېډېټوريل او دوهمې ته يې اېډېټوريل نوټس وايي.
٥١- ځانګړې پاڼه (Edition): معمولاً اخبارونه د خپل ورځيني چاپ تر څنګ په ځينو ځانګړو برخو کې مل پانې خپروي، لکه د ښځو نړيواله ورځ، د خپلواکۍ ورځ، ادبي پاڼه، د ماشومانو پاڼه چې اېډېشن ورته وايي. لکه د نړۍ اونيزې (په لپه کې درياب) او يا (ستاسې وکيلان ستاسې په اند) پاڼې
پاتې په راتلونکې ګڼه کې

 
بېرته شاته