لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه 17.04.2019 د ارواښاد عمر دراز مروت شعرونه 27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه
 
زما په اند د ورکو خوبونو راز !
لیکوال: فریدون فطرت   نېټه: 09.02.2019   خپرونکئ:   سمسور  

مونږ وایو چې انسان ډېر ناچيزه ده، او د درد او غم سره مقابله نه شي کولی، او وایو چې په مات زړه ژوند ډېره سخته ده، خو داسې خلک شته چې درد او غم ته نه تسلیميږي، درد او غم رټي، درد او غم په ملا ماتوي، او په مات زړه د حالاتو سره مبارزه کوي

کله، کله وایم چې ژوند کاش له خوښيو ډک وای، او د انسان دپاره پکې هېڅ رقم مزاحمت نه وه موجوده!
او نه انسان پکې په بېوسۍ ، ناچارۍ اخته وای
او نه باید انسان پکې د درد او غم سره مخ شوی وای او نه د بيخوبۍ په رنځ مبتلا وای
خو بازې وخت چې فکر وکړم درد او غم د ژوند کیف دی 
د ژوند مالګه ده او د ژوند خواږه هم پکې موجود دي، خو ځیني خلک له دې درده! بلا ګټې تر لاسه کړ، البته ددې بختورو انسانانو له جملې یو سردار شاه احسانمند دی
چې د ژوند په داېرې کې له دې محیطه برخمن دی او د درد له زاویې رنګونه اخلي، او د سکون بخشه شاعري په شکل دردیدلي زړونو ته تسکین ورکوي
له ډېرې لږې مودې راهیسې یې پېژنم، یوه شپه یې ماته د خپل اثارو په باره وویل او ډېره لږه شاعري یې په ما پېرزو کړه او د خپل دردیدلي زړه هغه کیفیات یې په په سکون بخشه غږ راته واورول
زه یې د خیال یوې رنګین دنیا ته وړی اوم او هلته یې په ما د رنګونو کاته وکړه
خو ځینې شعرونه یې زیات ودردولم،او په ځینې شعرونو کې یې دنیا فلسفي رازونه پراته وو،
زه هملته پوې شوم چې احسانمند دردیدلی دی او د دردونو نه یې بیخي زیات ګټه اخیستې ده
ورځ وه چې د ورکو خوبونو نوم یې راته واخیست او د ورکو خوبونو له مجموعي یې راته څو بیتونه وویل نو خدای شته چې د ورکو خوبونو نوم په ما ډېر ښه ولګید او بیتونه مې پرې بار،بار تکرار کړه او په هر ځل اورېدو مې زړه سکون اخیستو او د احسانمند د ورکو خوبونو متاثر کېدم
زړه مې غوښته چې بار،بار د احسانمند سره کینم او د احسانمند د زخمي او دردیدلي زړه له څړیکو خوند واخلم
خو ژوند ډېرې ناخوالۍ لري، او څه زه له دې ناخوالو سره مخ یم، د ژوند مصروفیتونه دي، 
که زه هر څومره د احسانمند د ورکو خوبونو په راز وغږېږم خو په پوره مانا به یې څرګند نه کړم 
خو څه چې زما له انده! وو ،څرګند مې کړه، او څه نتیجه مې د هغې د شعرونو اخیستي وو
که غواړي چې د احسانمند د دردیدلي زړه او د ورکو خوبونو راز باندې په پوره معنا ورسېږې نو ( ورک خوبونه) ضرور ولولئ او وګورئ او ددغې انسان په شاعرې بیا قضاوت وکړئ 
په مینه او خلوص
 
بېرته شاته