لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
10.01.2018 ارواښاد عبدالروف قتيل خوږیاڼی 22.12.2017 د ښاغلي ميوند قرار شعرونه 22.12.2017 د ښاغلي عرفان الله بیدار شعرونه 30.11.2017 د اغلې ذکيه باران شعرونه 20.11.2017 د ښاغلي هدايت الرحمن يار شعرونه 15.11.2017 د ښاغلي نیازالدین باچا شعرونه 09.11.2017 د اغلې ذکيه باران شعرونه
 
چي دستار تړي هزار دي د دستار سړي په شمار دي
لیکوال: عبدالباري جهاني   نېټه: 19.01.2017   خپرونکئ:   سمسور  

پوهاند ډاکټر محمدحسن کاکړ وفات سو.

انّا لله و انّا الیه راجعون.

که چا د افغانستان لپاره په سل ګونو شاګردان روزلي وي نو هغه یو بشپړ نسل روزلی وو. د مرحوم پوهاند صاحب په کچه استادان مو پخوا هم د ګوتو په شمېر درلودل او اوس خو یې بېخي نه لرو. مرحوم پوهاند صاحب یو عمر لیکني وکړې او د لیکنو یو ښه والی که یې معتبرتوب او پر کره اسنادو او شواهدو باندي تکیه وه بل ښه والی یې د هغه منتهی درجه جرأت وو. هغه په داسي وخت کي د امیر عبدالرحمن خان په باب دوه مغتنم او د غربي پوهنتونونو په سټینډرډ کتابونه ولیکل چي د افغانستان تقریبا ټولو لوستو کسانو هغه ته د یوه مستبد او ظالم ټولواک او د ډیورنډ د کرغېړني کرښي د مسول په سترګه کتل. پوهاند صاحب ثابته کړه چي امیر عبدالرحمن خان نه یوازي د ډیورنډ د کرښي مسول نه دی بلکه د یوه وطن پال افغان په حیث یې د ملو ک الطوایفی جرړي وایستلې او د یوه عصري افغانستان اساس یې کښېښود. ډېرو کسانو به د کمیت په لحاظ د مرحوم ډاکټر صاحب تر کتابونو زیات لیکلي وي خو د امیر عبدالرحمن خان په باب د هغه د دوو کتابونو ځای نه سي نیولای. زه له داکټرصاحب مرحوم سر ه د زیات و کم څلوېښتو کالو شناخت افتخار لرم او په پوره زړه ور توب ویلای سم چي که یوه انسان ته د ملایکي لقب ورکولای سي نو هغه ډاکتر صاحب وو چي په خپل ټول ژوند کي د یوې فرشتې په څېر پاک پاته سو او د هیڅ مستبد خدمت یې ونه کړ. د هغه روح دي ښاد وي خو زه په ډېري خواشینی سره ویلای سم چي، که تر ابده پوري نه وي، تر ډیره زیاته وخته پوري به یې ځای خالي وي.

 
بېرته شاته