لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
17.06.2019 د ښاغلي احسان الله جرس شعرونه 17.06.2019 د ښاغلي اتل افغان شعرونه 17.05.2019 د ښاغلي نصيراحمد شهاب شعرونه 17.04.2019 د ارواښاد عمر دراز مروت شعرونه 27.11.2018 د ښاغلي نظیف تکل شعرونه 11.09.2018 د ښاغلي غازی نادان شعرونه 19.07.2018 د ښاغلي بهار عیار شعرونه
 
د اوښتون کلتوري ټولنې د خواشينۍ پيغام!
لیکوال:   نېټه: 13.01.2014   خپرونکئ:   سمسور  

خواشيني يو، چې د لويې پکتيا يو قومي مشر، جهادي قومندان او مدني فعال حاجي مقبل فضلي د ناپېژاندو ټوپکوالو له خوا په شهادت ورسېد.

انالله وانااليه راجعون ط
ياد شهيد د لويې پکتيا قومي مشر، جهادي قومندان او د سرحدونو او قبايلو چارو د اوسني سرپرست وزير ډاکتر محمد اکرم خپلواک د تره زوی و.
مقبل فضلي له اوږدې مودې را په دې خوا د سولې لپاره هلي ځلي کولې، د ټولنيزو ستونزو په هواري کې يې د وس تر بريده منډه ترړه کوله او د ولسي شخړو او جنجالونو په هواري کې يې مهم رول لاره.
ارواښاد فضلي د هيواد د ښېرازۍ او ابادۍ په چارو کې خورا مخلص او بانفوذه شخص و، دی يوازې يو قومي مشر نه و، بلکې يو داسې مدني فعال و، چې د پکتيا په هره غونډه کې به يې برخه اخيسته او د ټولنيزو ستونزو د هواري په موخه به يې د رسنيو له لارې د خلکو غږ راپورته کاوو.
نوموړي د ښوونکو د روزنې په يوه موسسه کې هم دنده اجرا کړې، چې د خپلې لوېدلې ټولنې لپاره يې ډېر څه په دې برخه کې هم کړي وو.
حاجي مقبل فضلي يوازې د پکتيا په کچه د ستونزو د هواري غږ نه را پورته کاوو، بلکې د هيواد په کچه په ځينو لويو او ژونديو مسلو کې يې ځان مسول باله، ارواښاد به هر وخت د سولې او روغې جوړې خبرې کولې او له دې روان اخ و ډب نور تنګ شوی و.
ياد قومي مشر تر دې بريده ځان بې طرفه باله، چې هيڅ وخت يې د وېرې احساس نه کاوو او په ازاد ډول به د قومي مسايلو د هواري په موخه ناامنو سيمو ته هم ته، چې د روان لمريز کال د وږي د مياشتې په دېارلسمه نېټه يې د دې دنيا خپل وروستي منزل ته ځان ورساوو او د بې دردو د ټوپک مرمۍ يې په سر کې سړې شوې.
د اوښتون کلتوري ټولنې ټول غړي د ارواښاد په غم غمګين دي،  د ده بيلتون يوه لويه تشه يادوي، د قاتلانو د نيول کېدو او محاکمې غوښتنه يې کوي، د ده درنې کورنۍ او په ځانګړي ډول ډاکتر محمد اکرم خپلواک او د ارواښاد زوی مطيع الله ته د صبر، زغم او نعم البدل غوښتنه کوي.
د اوښتون کلتوري ټولنه/ پکتيا / افغانستان
 
بېرته شاته