لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
05.05.2020 د ښاغلي قدرت الله مظلوم شعرونه 28.04.2020 د ښاغلي عصمت باچا رسولي شعرونه 04.03.2020 د ښاغلي سيد جيلاني جلان شعرونه 27.02.2020 د ښاغلي عبدالله شاه "ژوندون" شعرونه 27.02.2020 د ښاغلي احسان الله درمل شعرونه 20.01.2020 د ښاغلي نسیم ایثار شعرونه 02.01.2020 د ښاغلي درويش روښان شعرونه
 
په هالنډ کې د میشتو افغانانو د پام وړ
لیکوال: آتل   نېټه: 27.03.2010   خپرونکئ:   سمسور  

په هالنډ کې میشت افغان ځوانان په نږدي راتلونکي کې د داسی یوي غونډي تابيا کوي چې ميندي او پلرونه به د ځوانانو سره يو ځای پکې د نظر د راکړی ورکړي موقع تر لاسه کړي.
(Lagerhuisdebat)
 دغه پروګرام د ځوانانو لخوا د ځوانانو او کورنيو ( مشرانو ) لپاره جوړيدونکی دی.
د دي ناستی اصلی موخه د هغو ستونځو په ګوته کول او راسپړل دي چې په عمومی ډول په غرب او په خاصه توګه په هالنډ کې میشت افغانان ورسره لاس او ګریوان دي.
ښکاري چې د افغان ميندو، پلرونو او ځوانانو  تر منځ ناسم پوهاوي او کله کله نه پوهاوي  واټن را منځ ته کړی او لا په پراښیدو دی.
د مثال په توګه: میندي او پلرونه داسی ګڼې چې د خپلو اولادونو له لوری نور له هغه احترام څخه برخمن نه دي چې په خپل هېواد کې دوی تري برخمن وه.
ځوانان په خپل وارګله لری چې د خپلی خوښې زده کړه، او د خپل  راتلونکې ژوند ملګري په ټاکنه کې د خپلو کورنيو له معنوي ملاټر بې برخې دي.
په دغه ناسته کې به ځوانان او مشران  د بحث او ديالوګ له لارې شته ستونځی لا روښانه کړي. د ستونځو ريښې به ولټوي، او د حل ممکنه لارو چارو وړاندوينه به وکړي.
که تاسو پوښتنه ، نظر او يا وړاندیز لری، او یا هم غواړي پخپله د پروګرام د جوړونکو له ډلې څخه واوسی، نو هیله ده د لاندی برښناليک له لاری اړيکه ټيګه کړﺉ.
atal.saidi@gmail.com
په مینه او ادب
د کاري ډلې په استازیتوب
آتل

 
بېرته شاته