لومړی پاڼه زموږ هدف کتابتون د ماشومانو لپاره انځورونه سندرې مرکې په غږ کې
سمسوراوبپاڼه  
خپلواکه، ټولنیزه او فرهنګی خپرونه
 
 
نوی شعرونه
05.05.2020 د ښاغلي قدرت الله مظلوم شعرونه 28.04.2020 د ښاغلي عصمت باچا رسولي شعرونه 04.03.2020 د ښاغلي سيد جيلاني جلان شعرونه 27.02.2020 د ښاغلي عبدالله شاه "ژوندون" شعرونه 27.02.2020 د ښاغلي احسان الله درمل شعرونه 20.01.2020 د ښاغلي نسیم ایثار شعرونه 02.01.2020 د ښاغلي درويش روښان شعرونه
 
مومند بابا ادبي بهير د اسدالله دانش د زوى فاتحه واخيسته
لیکوال: جميل تاند   نېټه: 05.03.2010   خپرونکئ:   سمسور  

د بلخ ولايت په مركز (مزارشريف) كې مومند بابا ادبي بهير په خپله اوونيزه غونډه كې د دانش خپرنديې ټولنې مشر اسدالله دانش د زوى فاتحه واخيسته.
په دغه غونډه كې چې د بلخ ولايت په لسګونو فرهنګيانو ونډه اخيستې وه، د ۱۳۸۸لمريز د كب په ۱۴مه، د شمال د خلكو عنعنوي اصلاحي جرګې په دفتر كې ترسره شوه.
غونډه  د قرانكريم د څو مباركو ايتونو په تلاوت پيل شوه، چې د ويندوني چارې يې عيسى ژمن پر مخ بېولې.
د غونډې په پيل كې ليكوال او شاعر ذبيح الله احساس د دانش خپرونديې ټولنې د مشر اسدالله دانش د زوى حسيب الله په اړه څرګندونې وكړې.
نوموړي اسد دانش د پښتو ادب په چوپړ كې يو نه ستړى كېدونكى پښتون وګڼه او د ښاغلي د زوى په مړينه يې د بهير په استازيتوب خواشيني وښوده.
ورپسې د ارواښاد حسيب الله د مړينې فاتحه واخيستل شوه او ټولو ګډونولو يې كورنۍ ته د صبر د غوښتنې تر څنګ، هغه ته د جنت غوښتونكي شو.
د حسيب الله د فاتحې اخيستو له امله د غونډې د كره كتنې برخه بلې اوونيزې غونډې ته وځنډول شوه.
ورپسې ازاده مشاعره وشوه چې د بهير لسګونو شاعرانو پكې خپل شعرونه واورول.

 
بېرته شاته